Размер шрифта: A AA Изображения Выключить Включить Цвет сайта Ц Ц Ц Обычная версия

Северо-Восточный
федеральный университет
имени М.К. Аммосова

Версия для слабовидящих

1
  • ТОБУЛ - 2017. Сахалыы ыччат кэмпириэнсийэтэ

    Тэрээһиннэр:

    -         Чинчийэр үлэлэр түмүктэрин кэпсэтии, истии;

    -         “Саха тылын билим таһымыгар хайдах сайыннарабытый?” дискуссия;

    -         “Таптыыбын төрөөбүт дойдубун” инста-күрэх.

    Сыала: Саха ыччата чинчийэр үлэтин ийэ тылынан көҥүллүк кэпсиир эйгэтин тэрийии.

    Соруга:

    - төрөөбүт тыл билиҥҥи кыһалҕатын быһаарарга, ырытарга ыччаты кытыннарыы;

    - билим эйгэтигэр саха тылын-өһүн сайыннарыы, туттуллуутун кэҥэтии.

    Буолар күнэ-дьыла: муус устар 22 күнэ, субуотаҕа 09:00 ч.

    Сирэ: Дьокуускай к., Кулаковскай аатынан уулусса 48-с дьиэтэ, ХИБҮ КФЕН

    Үлэ хайысхалара:

    - Физика-математика билимэ;

    - Тиэхиникэ билимэ;

    - Сир туһунан билим;

    - Мэдиссиинэ уонна биология билимэ;

    - Тыа хаһаайыстыбатын билимэ;

    - Тыл үөрэҕин билимэ;

    - Уйулҕа, иитии-үөрэтии (педагогика) билимэ;

    - Түмэт (уопсастыба) билимэ;

    - Алтаай тылларын чинчийэр билим;

    Кэмпириэнсийэҕэ кыттыы ирдэбилэ:

    -         Кыттааччылар: 1-11 кылаас үөрэнээччилэрэ, устудьуоннар, маҕыыстырдар, аспырааннар;

    -         Сирэй (очный) уонна кэтэхтэн (заочный) кыттыахха сөп;

    -         Үлэ, көрдөрөр матырыйаал (презентация) суруга-бичигэ: сахалыы бичик (шрифт);

    -         Дакылааттыыр кэм болдьоҕо: 5-7 мүнүүтэ;

    -         Ыстатыйа тиэкиһэ сүрүн ирдэбилгэ булгуччу сөп түбэһиэхтээх (аллара көр);

    -         Ирдэбилгэ хоруйдуур, болдьоммут кэмҥэ кэлбит туһааннаах ыстатыйа — РИНЦ таһымнаах электроннай хомуурунньукка киириэ (үөрэнээччилэр эмиэ);

    -         Кэмпириэнсийэҕэ кыттыы – босхо.

    Маны болҕой!

    Кыттааччы  сайаапкатын, чинчийии хайысхатын, ыстатыйа тиэкиһин МУУС УСТАР 15 КҮНҮГЭР диэри tobulsakha@gmail.com аадырыска ыытыахтаах.

    Тиэсиһи сахалыы тылбаастыырга ыарырҕатар кыттааччыга Саха тылын истилиистикэ уонна нууччалыы-сахалыы тылбаас хаапыдырата сүбэ-ама буолуоҕа.

    8(4112) 49 67 50 нүөмэргэ эрийэн билсиҥ

    Иһитиннэрэр сурук

    закрыть

    Антиспам:

    CAPTCHA