Айар кут

Айар кут

-->

"Айар кут" – суруйар-бичийэр дьоҕурдаах ыччат балаһата. 

Манна айар дьоҕурдаах устудьуоннар тэттик айымньылара – кэпсээннэр, хоһооннор, эсселэр, уус-уран дьүһүйүүлэр о.д.а. бэчээттэниэхтэрэ. Сахалыы уус-уран литэрэтиирэҕэ холонуон баҕалаах ыччат маҥнайгы хардыыны оҥороругар көмөлөөх уонна туһалаах буолуо диэн бигэ эрэллээхпит. Бөрүөлээх ыччат инниҥ диэки түһүнэн кэбис!

“Айар кут” аанын маҥнайгынан тэлэччи аһыахтара Хотугулуу-Илиҥҥи норуоттар тылларын уонна култуураларын үнүстүүтүн литэрэтииринэй үлэһит салаа устудьуоннара - “Сэргэлээх уоттара” айар бөлөх чилиэттэрэ.

ИСТИҤ, СЭРГЭЭҤ, СЫАНАЛААҤ!


Ариадна Потапова
ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона. Дьааҥы улууһун Табалаах нэһилиэгиттэн төрүттээх. Иллэҥ кэммигэр спордунан дьарыктанарын, үҥкүүлүүрүн, ыллыырын, суруйарын, кинигэ ааҕарын сөбүлүүр. "Сэргэлээх уоттара" литэрэтииринэй куруһуокка дьарыктанар.
Учууталга; Эн аттыгар; Мин, эн, биһиги - хоһооннор
Уйгулаана Портнягина

ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона. Уус Алдан улууһун Тойон Мүрү алааһын сибэккилээх кырдалыттан сылдьар. Иллэҥ кэмигэр суруйарын, кинигэ ааҕарын сөбүлүүр. "Сэргэлээх уоттара" литэрэтииринэй куруһуокка дьарыктанар.


Сэргэлээххэ саҥа күн - хоһоон
Юлия Данилова

ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона. Сунтаар улууһун Түбэй-Дьаархан нэһилиэгиттэн төрүттээх. Иллэҥ кэмигэр иистэнэриҥ, суруйарын, кинигэ ааҕарын, киинэ көрөрүн туохтааҕар даҕаны ордорор. "Сэргэлээх уоттара" литэрэтииринэй куруһуокка дьарыктанар.

Сааһы кытта - хоһооннор

Варвара Турнина

ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона. Талыы талба Таатта улууһун Ытык-Күөл нэһилиэгиттэн сылдьар. Иллэҥ кэмигэр суруйарын, кинигэ ааҕарын, ыллыырын, ардыгар иистэнэрин сөбүлүүр. "Сэргэлээх уоттара" литэрэтииринэй куруһуокка дьарыктанар.

Маннык эмиэ буолааччы - кэпсээн

Айаал Молокотин
ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона, "Сэргэлээх уоттара" литэрэтииринэй түмсүү старостата, ПОСtscriptum хаһыат "Утум" сыһыарыытын эрэдээктэрэ

Ньырачыма үрэх устун - кэпсээн

Прасковья Дмитриевна Байанаева
ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн НСТ - 13 маҕыыстыра, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин Суруйааччыларын сойууhун чилиэнэ. 1999 сылтан И.Е. Винокуров аатынан Намнааҕы педколледжка педагог-психологынан уонна уһуйааччынан үлэлиир. 

Оо, таптал! Арчылыыр Аанньалбар; Кэмнэммэт үрдүк дьол; Угуйар сулус (хоһооннор)


Федосия Леонтьевна Иннокентьева - Дуораана
ХИБҮ АБ Хотугулуу-Илиҥҥи норуоттар тылларын уонна култуураларын НСТ-13 маҕыыстыра, 2004 с. СГУ саха салаатын бүтэрбитэ, идэтинэн саха тылын уонна литэрэтиирэтин учуутала, иллэҥ кэмигэр хоһоон суруйар. Билигин «Дани-Алмас» ХЭТ компанияҕа көннөрөөччү эрэдээктэринэн үлэлиир.

Баҕа санаа; Устудьуон кэпсээнэ; Эрэнэ-сэрбэйэ; Саҥа хаар; Батсаап барахсан; Хаарыаннаахай күннэр; Үрдүктэн үрдүккэ; Алгыс (хоһооннор)

Ньургуйаана Скрябина
ХИБҮ АБ Хотугулуу-Илиҥҥи олохтоох омуктар тылларын уонна култуураларын үнүстүүтүн устудьуона. Мэҥэ-Хаҥалас Хорообутуттан төрүттээх, хоһоон айар ураты дьоҕурдаах кыыс. 

(хоhооннор)

Иннокентий Лебедев
ХИБҮ АБ Хотугулуу-Илиҥҥи олохтоох омуктар тылларын уонна култуураларын үнүстүүтүн устудьуона, эстрада чаҕылхай сулуһа, иллэҥ кэмигэр ырыа, хоһоон айар, Мэҥэ-Хаҥалас ыччата. 

Үйэни курдаттыыр аналлаах (хоhоон)

Любовь Уарова
ХИБҮ АБ Хотугулуу-Илиҥҥи олохтоох омуктар тылларын уонна култуураларын үнүстүүтүн устудьуона, айар үлэнэн утумнаахтык дьарыктанар.

Күн...(кэпсээн).

Саргылана Сергеева
ХИБҮ АБ Хотугулуу-Илиҥҥи олохтоох омуктар тылларын уонна култуураларын үнүстүүтүн устудьуона, айар үлэнэн утумнаахтык дьарыктанар.

Айылҕаны харыстыыр 2013 - экология сылыгар ананар хоhоон.
Мин аттыбар куруутун баар буолууй…(кэпсээн).


Анастасия Борисова
ХИБҮ АБ Хотугулуу-Илиҥҥи норуоттар тылларын уонна култуураларын үнүстүүтүн устудьуона. Талыы талба Таатта улууһуттан төрүттээх. Иллэҥ кэммигэр суруйарын, кинигэ ааҕарын, уопсастыбаннай үлэнэн дьарыктанарын, Кэриэй омук тылын уонна култууратын үөрэтэрин сөбүлүүр.

Алаас сайа охсор салгынын ахтылҕана (кэпсээн)

закрыть

Антиспам:

CAPTCHA