Бары турун! Суут иһэр!

-->
Бары турун! Суут иһэр!

22.12.2016 14:00:00

Рейтинг новости:

+

Просмотров: 116

Бары турун! Суут иһэр!

Ахсынньы 21 күнүгэр, Тыл үөрэҕин бакылтыатын быйылгы сылга бүтэһиктээх мунньаҕар УИС “ЩИТ” Юридическай өттүнэн өйөөһүн киинэ “Суут мунньаҕа” диэн дьыалабыай оонньууну ыытта.

Оонньуу Ф.М. Достоевскай “Преступление и наказание” диэн социально-психологическай романын тиэмэтинэн ыытылынна. Идэлээх сойуус актыбыыстара икки хамаандаҕа арахсан оонньоотулар, ол курдук маҥнайгы хамаанда буруйдааччы оруолун толордо, иккис хамаанда көмүскээччини оонньоото.

Ыҥырыллан кэлбит судьуйа оруолун Юридическай өттүнэн өйөөһүн киинин бэрэссэдээтэлэ Андрей Винокуров ылынна. Холуобунай дьыала бырыһыан ааҕааччы эмээхсин Алена Иванованы соруйан өлөрүүгэ олоҕуран арылынна. Сүрүн уорбаланааччы Родион Раскольнико оруола Дмитрий Сергеевка сүктэрилиннэ. Маҥнайгы хамаанда бэрэстэбиитэллэрэ, чуолаан айылҕаттан айдарыылаах Валериан Говоров борокуруор буолла, оттон гражданин Раскольниковы буруйдаан утары турар силиэдэбэтэл оруолун Марина Еремисова толордо. Оттон буруйданааччыны Мария Архипова көмүскэстэ.

Дьаныардаах ырытыы, дакаастабыл, икки туоһу көрдөрүүтүн, өрүттэр этиилэрин истэн баран, судьуйа түмүгү таһаарда. Достоевскай культовай романын дьоруойа Родион Раскольников күүстээх албакааттаах буолан, буруйа барыта уһуллубут. Онон, көмүскээччилэр хамаандалара кыайыылааҕынан ааттанна.

Күн бастыҥ спикера Мария Архипова буолла. Оттон оонньуу кыттыылаахтарыгар “Канцпроф” сертификатын туттардылар.

УИС ЮӨК хамыыһыйатын актыбыыстарыгар интэриэһинэй оонньууларын иһин бараҕа махтал! Өссө даҕаны маннык оонньуулар ыытылла туралларыгар баҕарабыт!


закрыть

Антиспам:

CAPTCHA