Удьуордааһын алдьархайа

-->
Удьуордааһын алдьархайа

23.12.2016 14:45:00

Рейтинг новости:

+

Просмотров: 111

Удьуордааһын алдьархайа

Удьуорунан бэриллэр ыарыыттан дьон бары дьаарханар, ол эрээри онтон киһи инники олоҕун хаачыстыбата тутулуктаах икки атын-атын бөлөххө арахсарын билэр дьон аҕыйах.

Маҥнайгы бөлөхтөн, ол эбэтэр удьуорунан бэриллэр ыарыылартан саҕалыахха. Бу удьуорунан бэриллэр, киһи хайдах олороруттан, тугу гынарыттан, хайдах эмтэнэриттэн тутулуга суох ыарыы. Олох уобараһын уларытан даҕаны диэн бу ыарыыттан кыайан куоппаккын. Удьуоруттан бэриллибит ыарыылаах киһи патологическай геннаах буолар, ол олоҕун ханнык эрэ кэмигэр көбөн кэлэн, холобура кыра эрдэҕиттэн кырдьар сааһыгар диэри.

Удьуорунан бэриллэр ыарыыны “удьуорунан бэриллэр ыарыыга маарынныыр ыарыыга” буккуйар сатаммат.

Бу, ыарыы улахан бөлөҕө буолар. Олорго, холобура, саахарнай диабет, онкология, хаан баттааһына, глаукома онтон да атын ыарыылар киирэллэр. Удьуорунан онно сыһыаннаах ыарыы бэриллэр, сайдара эбэтэр сайдыбата биһиги олохпутуттан, аһылыкпытыттан тутулуктаах.

Арай, бөлөх дьону ыҥыран ылан, барыларыгар биир тэҥ дириҥнээх уонна уһуннаах быһыыны оҥорон баран, ону икки күнүнэн тэҥнээтэххэ сорох дьон быһыытын суола даҕаны хаалбатах буолуоҕа. Аҕыйах күнүнэн олортон биирдэстэрэ дьуотунан соттубут, иккис киһи биинтэнэн бааммыт, үһүс киһи бааһа сүһүрэн балыыһаҕа киирбит буолуон сөп. Быһыыбыт биир тэҥ, дьон эмиэ биир, олохпут усулуобуйата эмиэ тэҥ. Оччоҕуна тоҕо маннык буоларый? Барыта удьуордааһынтан эбит. Ким доруобай төрүттээх, ол эчэйиини чэпчэкитик аһарынар.

Удьуордааһын киһи доруобуйатыгар сүрүн суолталаах. Төрөппүттэрбитин бэйэбит талбаппыт, ол иһин бу түгэҥҥэ айылҕаҕа итэҕэл баар. Онон киһи организымыгар барыта эрдэттэн ыйыллыбыт, анаммыт эбит диэххэ сөп. Бэйэ сабаҕалааһынын билэ-билэ сорох-сорохтор отоһукка бараллар, халлаан билгэлээһинин ааҕаллар. Удьуордааһын диэн тугун үчүгэйдик билбэт киһи, биһигиттэн тутулуга суох ханнык эмэ күүскэ итэҕэйэн бараллар. Ол эрээри, бу барыта билим суолунан чэпчэкитик быһаарыллар.

Иһитиннэрии ылыллыбыт аадырыһа: http://nu.s-vfu.ru/

закрыть

Антиспам:

CAPTCHA