Сүһүөххүтүн сүтэримэҥ

-->
Сүһүөххүтүн сүтэримэҥ

27.12.2016 14:54:00

Рейтинг новости:

+

Просмотров: 56

Сүһүөххүтүн сүтэримэҥ

40-50 саастарын ааспыт үгүс киһи тобуктарын сүһүөҕэ ыалдьарыттан бырааска тиийэр түгэнэ элбэх, онон бу кыһалҕа биһиги дойдубутугар сытыытык турар. Бу остеоартроз диэн дегенеративнай дистрофическай ыарыы ааттанар, ол аата тобук уҥуоҕа ыалдьар, боростуойдук эттэххэ сүһүөх ыарыыта. Маҥнайгы сибикитэ – киһи тобугун ыарыыта күүһүрэр, сүһүөҕэ кыйар курдук аалан ыалдьар, тобук уҥуоҕа уларыйан киирэн барар.

Бу ыарыынан ордук саастаах дьон ыалдьар. Киһи эдэр эрдэҕинэ уҥуоҕа көнө, үчүгэй буолар, сыл-хонук аастаҕын ахсын уларыйан иһэр. Ол түмүгэр, өҥүргэс хаачыстыбатын сүтэрэр, сүһүөх тутуллар иҥиирэ мөлтүүр. Тобук уҥуоҕа бэйэ-бэйэтиттэн тэйэн, хамсаан биэрэр. Оччоҕуна киһи тобугун ыарыыта эмискэ уонна күүскэ киирэр.

“Тоҕо маннык буоларый?”, - диэн ыйытыыны, киһи соһуйуон иһин, ким даҕаны сыныйан үөрэтэ илик. Биһиги сабаҕалааһыммытынан, өҥүргэскэ “аһылык”, ол эбэтэр битэмиин тиийбэтиттэн маннык ыарыынан ыалдьыахха сөп. Өҥүргэс сүһүөх уутунан аһылыктанар. Бу кыһалҕаны биһиги быһаарыахпытын уонна чинчийиэхпитин баҕарабыт.

Оҕо барыта Д3 битэмиини иһэр. Оттон эдэр сылдьан битэмиини төһө иһэбитий? Суох, эдэр дьон битэмиин испэт. Арай остеоартрозтаах эбэлэр уонна эһэлэр иһэллэр.

Кыһынын күн уота тиийбэтиттэн, Д3 битэмиин киһиэхэ аҕыйах буолар.

Онон, кыһынын даҕаны биһиэхэ кыра куһуок сайын наада. Ону хас даҕаны суолунан солбуйуохха сөп. Маҥнайгы суол саамай боростуой: уоппуска ылан, күннээх сиргэ баран сынньаныы. Бу ньыманы туһаныан сөптөөх киһи ахсаана аҕыйах. Иккис суол: кварцевай лампаны туһанан, күн аайы кыра инфракраснай облучениеҕа сылдьыахха сөп. Бу ньыма, киһи тириитин нөҥүө Д3 битэмиини иҥэрэр. Үһүс суол: битэмииннээх аһы аһыахха наада, холобура балыгы. Эбэтэр, ыалдьыбат туһуттан кальцийдаах эмтэри, битэмиини сиир туһалаах. Онон, маннык аһылыгы, битэмиини кырдьаҕаһыттан эдэриттэн тутулуга суох бары иһиэхтээхпит.


Иһитиннэрии ылыллыбыт аадырыһа: http://nu.s-vfu.ru/ 


закрыть

Антиспам:

CAPTCHA