Иммунитет. Биһиктэн бүтүн олоҕун тухары.

-->
Иммунитет. Биһиктэн бүтүн олоҕун тухары.

30.12.2016 16:17:00

Рейтинг новости:

+

Просмотров: 100

Иммунитет. Биһиктэн бүтүн олоҕун тухары.

Иммунитет диэн олус уустук тутуллаах, киһи иммунай систиэмэтин кыаҕа. Бу киһи күн сирин көрүөҕүттэн олохтонор. Ол эрээри, биһиги бэйэбит доруобуйабыт туһугар бэйэбит эппиэттиибит, этэллэрин курдук, киһи доруобуйатын 90 % бэйэтэ оҥостор.

Спордунан, йоганан дьарыктаныы, эти-хааны эрчийии, тымныы ууну куттуу, битэмиини иһии сиэрэ сыстыганнаах ыарыыттан, салгынынан тарҕанар инфекцияттан харыстыыр уонна иммунитеты бөҕөргөтөр. Ыалдьыбат туһуттан, үлэ уонна сынньалаҥ кэмин сөпкө салайыахха наада, ол курдук олус сылайыахха диэри үлэлээбэккэ, истириэскэ киирбэккэ, сылга биирдэ хайаан даҕаны уоппуска ылан сынньанар, өссө атын куоракка, муораҕа баран сынньаныы ордук табыгастаах.

Иммунитет үлэтигэр аһылык олус улахан суолталаах. Хас биирдии киһи күн аайы белоктаах аһы аһыахтаах, битэмиин сиэхтээх. Чуолаан, биһиги Хотугу сир олохтоохторугар кыһынын белоктаах аһы хайаан даҕаны сиэххэ наада. Итини тэҥэ, балыгы, эти, оҕуруот аһын, фруктаны күн аайы сиэхтээхпит. Туох эмэ биричиинэнэн бу аһылыктары аһыыр кыах суох буоллаҕына, үөһэ ыйыллыбыт астар битэмииннэрэ баар эмтэрин, битэмииннэрин иһиэххэ сөп.

Бэлиэтээн эттэххэ, эти сиэбэт итэҕэл оҕолорго уонна ыарахан дьахталларга көҥүллэммэт.

Улаатан эрэр организымҥа, былчыҥ уонна уҥуох улаатарыгар белок хайаан даҕаны наада. Оннооҕор сорох итэҕэллэр, холобура христианстыбаҕа, оҕолор уонна ыарахан дьахталлар элбэх белоктаах аһылыгы аһыахтаахтарын иһин сокуону тутуһуннарбаттар.


Иһитиннэрии ылыллыбыт аадырыһа: http://nu.s-vfu.ru/


закрыть

Антиспам:

CAPTCHA