ХИБҮ босхо үөрэххэ көһөргө докумуоннары хомуйар

-->
ХИБҮ босхо үөрэххэ көһөргө докумуоннары хомуйар

10.01.2017 15:43:00

Рейтинг новости:

+

Просмотров: 120

ХИБҮ босхо үөрэххэ көһөргө докумуоннары хомуйар

Хотугулуу-Илиҥҥи бэдэрээссийэлии үнүбэрсиэккэ төлөбүрдээх салааҕа үөрэнэр устудьуоннартан босхо үөрэххэ көһүү докумуонун тутан саҕалаатылар. Маннык анал хамыыһыйа сылга түөртэ үлэлиир.

Кыһыҥҥы симиэстир түмүгүнэн, туйгуннук уонна үчүгэйдик үөрэнэр ыччат эбэтэр төгүрүк тулаайах, үөрэнэ сылдьан төрөппүттэрин сүтэрбит, маҥнайгы группалаах инбэлиит аҥаардас төрөппүттээх устудьуон босхо үөрэххэ хапсыан сөп. Бэлиэтээн эттэххэ, икки симиэстир түмүгүнэн, үһэ суох буоллаҕына иккис куурустан үөһэ үөрэнэр устудьуоннарга төлөбүртэн босхолонор кыах баар.

Билиҥҥи туругунан, үнүбэрсиэт үрдүнэн уон биэс тыһыынчаттан тахса устудьуон үөрэнэр эбит буоллаҕына, иккис куурустан үөһэ балтараа тыһыынча кэриҥэ устудьуон төлөбүрдээх үөрэххэ үөрэнэр. Ааспыт сыл түмүгүнэн, икки сүүсчэкэ устудьуон босхо үөрэнэр кыахтаммыта. “Биһиги АБ Үөрэх министиэристибэтин 443 №-дээх бирикээһигэр олоҕуран босхо үөрэххэ көһөрөбүт. Бу өҥөнөн, үөрэнэ сылдьар устудьуоннар, аспираннар, ординатордар, доктараннар уонна магистраннар туһаныахтарын сөп. Итини тэҥэ, кэтэхтэн үөрэнэр устудьуоннар босхо үөрэниигэ мэстэ баар буоллаҕына көһөллөрө көҥүллэнэр”, - диир ХИБҮ Үөрэххэ уонна мэтэдиичэскэй үлэҕэ салаа исписэлииһэ Анастасия Алексеева.

Автор: НВК "Саха"

закрыть

Антиспам:

CAPTCHA