Иһэр медиктэр тустарынан

-->
Иһэр медиктэр тустарынан

04.05.2017 12:10:00

Рейтинг новости:

+

Просмотров: 167

Иһэр медиктэр тустарынан

XIX, XX, XXI үйэтинээҕи физиологтар, психиатардар, невропатологтар үлэлэрин ырытан көрдөххө, арыгылаах утах барыта, ол иһигэр пиибэ, шампанскай ханнык баҕар дозата киһи организымын сүһүрдэр кутталлаахтар.

Мин маннык түмүгү, арыгыны иһэр киһи организымыгар тахсар уларыйыыларга олоҕуран оҥордум. Бастатан туран, арыгы киһи мэйиити уонна ууһатар уорганын сиир. Омуннаабакка эттэххэ, киһи биир бакаал шампанскай, биир бытыылка пиибэ, биир үрүүмкэ буокка испитин кэннэ уон биэс мүнүүтэнэн, этэн аһарбыт уорганнарым ыалдьан, мөлтөөн киирэн барар, онтон сылтаан ыарыһах оҕо төрүүр.

Хомойуох иһин, медиктэр 40 % "култуурунайдык" диэн ааттаан арыгы иһэр түгэннэр баар көстүү.

Төһө даҕаны куһаҕаннык иһиллибитин иһин, хирурдар бары иһэллэр диэн өйдөбүл дьиҥ олоххо оруннаах. Бу кыһалҕа туһунан, ХХ үйэ иккис аҥарын, ХХI үйэ саҕаланыытынааҕы аан дойдутааҕы чөл олох хамсааһынын лидера, академик Федор Углов эмиэ этэн турардаах. Кини үйэтин, сааһын тухары арыгыны уонна табаҕы утары охсуспута уонна онно анаммыт уонтан тахса кинигэлээх. Маны тэҥэ, Федор Углов саамай уһуннук хирурдаабыт, чуолаан 100 сылы быһа дьону эппэрээссийэлээбит киһи буоларын быһыытынан Гиннес рекордун кинигэтигэр киирбитэ. Манна олоҕуран, кини чопчу чөл олоҕу тутуһар буолан уһун үйэлээҕэ, төһө даҕаны тоҥхойо кырдьыбытын иһин үлэлиир кыахтааҕа дии саныыбын.

Аһыы утаҕы иһэр, табахтыыр быраастар уопсастыбаҕа улахан хоромньуну таһаараллар дии саныыбын. Сокуон арыгыны иһэр уонна табахтыыр быраастарга уонна учууталларга күүһүрэн биэрэрэ буоллар. Маннык быһыы былаас бэрэстэбиитэллэригэр эмиэ сыһыаннаах.

Киһи хомойуон, оннооҕор медицинэ үөрэҕэр үөрэнэ сылдьар устудьуоннарга маннык үөрэҕи, чуолаан собриологияны, ол аата уопсастыба чөл олохтоох буоларын ситиһии тосхоллорун үөрэтэр билими үөрэппэттэр. Маннык хабааннаах лиэксийэни быраас идэтин баһылаары сылдьар устудьуоннарга эрэ буолбакка, оскуола үөрэнээччилэригэр эмиэ кэпсиэххэ наада. Үөрэх бырагыраамматыгар маннык биридимиэти киллэрии туһунан балаһыанньа өссө уон сыл анараа өттүгэр киирбитэ эрээри, идиэйэ саҥа хамсаан эрэр.

закрыть

Антиспам:

CAPTCHA