Анна Габышева мас тардыһыытыгар аан дойду чөмпүйүөнэ буолла

-->
Анна Габышева мас тардыһыытыгар аан дойду чөмпүйүөнэ буолла

05.05.2017 13:58:00

Рейтинг новости:

+

Просмотров: 66

Анна Габышева мас тардыһыытыгар аан дойду чөмпүйүөнэ буолла

ХИБҮ Үп-экэниэмикэ үнүстүүтүн маҥнайгы кууруһун устудьуона Анна Габышева, Алмата куоракка муус устар 27 күнүттэн ыам ыйын 1 күнүгэр диэри аан дойду Кубогын маҥнайгы түһүмэҕин чэрчитинэн ыытыллыбыт, оҕолор ортолоругар мас тардыһыытыгар аан дойду аһаҕас чемпионатыгар бастаата.

"Оҕо эрдэхпиттэн спордунан дьарыктанабын. Мас тардыһыытынан дьарыктаныам иннинэ чэпчэки атлетиканан, волейболунан, ыстаҥанан дьарыктанар этим. Улахан махталбын тренербар, ХИБҮ Эти-сиини эрчийии уонна спорт үнүстүүтүн үрдүкү уһуйааччытыгар Яна Захароваҕа тириэрдэбин, - диэн санаатын үллэстэр кыайыылаах. - Биһиги күүстээхтик дьарыктанабыт. Онон, кыайыы диэн хас күн аайы дьаныардаах үлэбит түмүгэ дии саныыбын".

Анна Габышева инникитин спортка даҕаны, үөрэххэ даҕаны үгүһү ситиһэр, ону тэҥэ социальнай эйгэҕэ идэтийбит исписэлиис буолар баҕа санаалаах. Кини спорт үөрэххэ мэһэйдээбэт, төттөрүтүн бэрээдэктиир диэн этэр.

Бэлиэтээн эттэххэ, аан дойду быйылгы турнира 13 араас дойдуттан күүстээх спортсменнары түмптэ. Аан дойду Кубога үгэс быһыытынан, икки сылга биирдэ үс түһүмэҕинэн ыытыллар. Ону биир бастакынан Казахстан ылынна, аныгыскыга Чехияҕа буолуоҕа, оттон турнир түмүктүүр түһүмэҕэ Москубаҕа ыытыллыаҕа.

закрыть

Антиспам:

CAPTCHA