Үнүбэрсиэт магистратуратын саҥа бырагырааммата аккредитацияны ааста

-->
Үнүбэрсиэт магистратуратын саҥа бырагырааммата аккредитацияны ааста

11.05.2017 10:27:00

Рейтинг новости:

+

Просмотров: 37

Үнүбэрсиэт магистратуратын саҥа бырагырааммата аккредитацияны ааста

Хотугулуу-Илиҥҥи бэдэрээссийэлии үнүбэрсиэт магистратура саҥа бырагырааммалара аккредитацияны аастылар. Судаарыстыбаннай аккредитацияны хат оҥоруу туһунан туоһулуур бирикээс ыам ыйын 3 күнүгэр Арассыыйатааҕы үөрэх уонна билим министиэристибэтин саайтыгар тахсыбытын туһунан ХИБҮ Үөрэхтээһин хаачыстыбатын хааччыйыы департамена иһитиннэрэр.

Рособрнадзор аккредитацияны ааһа илик магистратура бырагырааммаларын экспертизата муус устар 10-14 күнүгэр ыытыллыбыта. 2017 сылга аккредитацияны идэтийбит үөрэх 15 сүрүн бырагырааммата ааста. Олортон 11 магистратура бырагырааммата, биир специалитет уонна үһэ Анадырь куоракка баар ХИБҮ филиалыгар специалитет бырагырааммата.

Департамеҥҥа эппиттэринэн, экспертиза хас биирдии бырагырааммаҕа оҥоһуллар, оттон ол быһаарыыта бөлөх хайысхаларынан уонна идэнэн ылыллар. Биир бырагыраамма аккредитацияны ааспакка хаалар түгэнигэр бу бырагыраамма киирэ сылдьар бөлөҕүн бырагырааммалара бары сабыллаллар.

Эспертиза бырагыраамманы ФГОС ирдэбилигэр олоҕуран, ол эбэтэр ис тутулунан, үөрэнээччилэри бэлэмнээһин хаачыстыбатынан сыаналыыр. "Аккредитация диэн үөрэх кыһата үөрэҕи, билиини биэрэр кыахтааҕын дуу суоҕун дуу официально быһаарар улахан бэрибиэркэ. Онон үнүбэрсиэккэ бу улахан эппиэтинэс буолар", - диир ХИБҮ Үөрэхтээһинин хаачыстыбатын хааччыйар департамен дириэктэрэ Татьяна Третьякова.

Эбэн эттэххэ, үнүбэрсиэккэ магистратура бырагыраамматын ахсаана сылын ахсын улаата турар. 2015-2016 үөрэх дьылыгар үөрэх бырагыраамматын ахсаана 86 тэҥнэспит эбит буоллаҕына, 2016-2017 үөрэх дьылыгар 37 араас хайысханан 120 магистерскай бырагыраамма олоххо киирэр.

закрыть

Антиспам:

CAPTCHA