Искэн ыарыытын туһунан

-->
Искэн ыарыытын туһунан

15.05.2017 10:04:00

Рейтинг новости:

+

Просмотров: 96

Искэн ыарыытын туһунан

Маатка шейкатын искэнин туһунан эттэххэ, дьахтар олоҕор кутталы суоһуур ыарахан ыарыы, сайдыылаах дойдуларга саамай маҥнайгы миэстэҕэ турар. Биһиги дойдубутугар, хомойуох иһин бу ыарыы хаһыс даҕаны сылын бастакы миэстэттэн түспэт. Манан сиэттэрэн мөлтөх ис хоһоонноох түмүгү оҥоруохха сөп.

Маатка искэнэ, чуолаан искэн ыарыытын барытын саҥа үөскээбит кэмигэр билимиэххэ сөп. Ол иһин, хайа баҕарар быраас этэрин курдук, сыл аайы киһи балыыһаҕа баран көрдөрүнэрэ ордук. Дьиҥэр, куорат иһигэр судаарыстыбаннай даҕаны, чааһынай даҕаны балыыһа элбэх эрээри, оннооҕор, аҥаардас Дьокуускай куорат иһигэр мааткатыгар искэн тахсан ыалдьыбыт дьахтар ахсаана киһини соһутар.

Искэн ыарыыта саамай турбут дойдулара билигин Миирнэй, Нерюнгри, Алдан, Лиэнскэй уонна Дьокуускай буолаллар. Аны, маатка шейкатын искэнэ урут саастаах дьахталларга, ол эбэтэр 50-60 саастаахтарга тахсар эбит буоллаҕына, билигин 25 ааспыт эдэр кыргыттары буулуур түгэнэ көстүтэлиир.

Онкологическай ыарыһахтар эмтэнэн үтүөрэр түгэннэрэ ыарыыларын стадиятыттан тутулуктаах.

Холобура, 2014 сыллаахха 118 дьахтар мааткатыгар искэн тахсыбыт, онтон 2016 сыллаах көрдөрүү 144 тэҥнэспит. Баҕара бу көрдөрүү диагностиканы кытары, чуолаан профилактическай көрдөрүүнү кытары сибээстээх буолуон сөп. Ол гынан баран, ыарыыларын номнуо 3,4 кэрдиискэ тахсыбытын кэннэ билбит дьон ахсаана аҕыйаҕа суох. Кырдьыгынан эттэххэ, киһи иһигэр искэн үөскээбитин төһөнөн эрдэ билэр даҕаны, соччонон кини тыыннаах хаалар кыаҕа үрдүк буолар.

Түмүккэ бэлиэтээн эттэххэ, хомойуох иһин, биһиги өрөспүүбүлүкэбитигэр, онкологическай ыарыһахтарга аналлаах уйулҕа үөрэҕин үлэһиттэрэ суохтара куһаҕан. Дьиҥэр маннык ыарыһахтарга уйулҕа үөрэхтээҕэ идэлээх киһи олус наада. Кинилэр оруолларын билигин быраастар толоро сылдьаллар. Онколог быраастарга сүрдээх улахан эппиэтинэс сүктэриллэр. Оттон билигин эдэр исписэлиистэри бэлэмнээһиҥҥэ улахан үлэ ыытылла турар, онон сотору кэминэн билигин буола турар быһыы-майгы үчүгэй өттүгэр сыҕарыйыаҕа дии саныыбын.

закрыть

Антиспам:

CAPTCHA