"СТОП ВИЧ/СПИД" диэн бүтүн Арассыыйатааҕы аахсыйа саҕаланна

-->
"СТОП ВИЧ/СПИД" диэн бүтүн Арассыыйатааҕы аахсыйа саҕаланна

16.05.2017 12:15:00

Рейтинг новости:

+

Просмотров: 114

"СТОП ВИЧ/СПИД" диэн бүтүн Арассыыйатааҕы аахсыйа саҕаланна

Саха сиринээҕи Үөрэх уонна билим министиэристибэтин бирикээһигэр олоҕуран ыам ыйын 15-21 күнүгэр Саха өрөспүүбүлүкэтин үөрэҕин тэрилтэлэригэр "СТОП ВИЧ/СПИД" диэн бүтүн Арассыыйатааҕы аахсыйа саҕаланна.

Аахсыйа, үөрэх эйгэтигэр ВИЧ- инфекция ыарыытыттан сэрэтэр уонна ыарыыны хам баттыырга анаммыт үлэни тарҕатар, кыратыттан улаханыгар тиийэ дьон бу ыарыы хайдах бэриллэрин, туох суолталааҕын, хайдах харыстаныахха, эмтэниэххэ сөбүн туһунан сырдатар сыаллаах тэриллэр.

Үөрэх тэрилтэлэригэр тиэмэнэн арахсан ыытыллар кылаас, кураатар чаастарын тэҥэ араас дистанциянан сүүрүү ыытыллыаҕа. Дьокуускай бары оскуолаларыгар уонна үөрэҕин тэрилтэлэригэр Дьокуускайдааҕы медицинскэй колледж бэрэстэбиитэллэрэ уонна аахсыйаны интэриэһиргиир атын даҕаны тэрилтэлэргэ доруобуйа уруоктара ыытыллыахтара. Ыам ыйын 18-20 күнүгэр "Юность" стадиоҥҥа "Саха устудьуоннарын спортивнай сойууһа" ЯРОО уонна М.К. Аммосов аатынан Хотугулуу-Илиҥҥи бэдэрээссийэлии үнүбэрсиэт салалтатынан чэпчэки атлетикаҕа сүүмэрдиир күрэхтэһии буолуоҕа. Ыам ыйын 21 күнүгэр Ленин болуоссатыгар Дьокуускай ыччата мустан "Арассыыйа ыччата СПИДЫ утары" диэн флешмобу тэрийиэҕэ. Бу күн Орджоникидзе болуоссатыгар ыччат СПИД киинин аахсыйатыгар кыттыаҕа, баҕалаахтар ВИЧ тестированиетын ааһыахтара.

Санатан эттэххэ, 2017 сыл ыам ыйын 15-21 күнүгэр "СТОП ВИЧ/СПИД" диэн бүтүн Арассыыйатааҕы аахсыйа үһүс төгүлүн ыытыллар. Бу күннэргэ дойду үрдүнэн иһитиннэрэр-сырдатан тэрээһиннэр ыытыллаллар, олортон биирдэстэрэ, үрдүк үөрэх кыһатын устудьуоннара уонна Арассыыйатааҕы доруобуйа харыстабылын исписэлиистэрэ бэлэмнээбит "СПИДЫ тэҥҥэ тохтотуохха!" диэн устудьуоннар бүтүн Арассыыйатааҕы аһаҕас пуорумнара буолар. Пуорум чэрчитинэн, араас биэдимистибэҕэ киирэ сылдьар уопсай үөрэхтээһин уонна орто анал үөрэх тэрилтэлэригэр, ВИЧ-инфекцияны тарҕатыыны суох оҥорор боппуруоһу ырытыыга стратегическай сессия буолуоҕа.

Иһитиннэрии ылыллыбыт аадырыһа: http://sakhapress.ru/archives/223297

Автор: SakhaPress

закрыть

Антиспам:

CAPTCHA