Киһи буолар аналбын булаары

-->
Киһи буолар аналбын булаары

17.05.2017 10:22:00

Рейтинг новости:

+

Просмотров: 122

Киһи буолар аналбын булаары

Мин туох дьоҕурдаахпыный, бу орто дойдуга туох аналлаах кэлбиппиний диэн ыйытыы хас биирдии киһини үйэ-хайа туппут түгэнэ баар буолуохтаах. Үгүс оҕо төрөппүтэ талбыт, бары өттүнэн барыстаах диэбит идэтигэр туттарсан киирэн үөрэнэр. Ол гынан баран, киһи бэйэтин баҕа санаатынан барарыгар кимтэн да сүбэлэппэккэ, сүрэҕин баҕатынан иннин хоту баран иһиэхтээх.

Киһи сөбүлүүр дьыалатынан дьарыктанар буоллаҕына онтон астынар, дуоһуйар, сүрэҕим сөбүлүүр үлэтин буллум диэн сөп. Идэтин сөбүлээбэт киһи үлэ булан үлэлиирэ ыарахан. Оттон үлэтин таптыыр киһи ханна баҕар үлэтигэр интэриэһэ сүппэт.

Идэни таба таларга идэ трениҥнэрэ киһи бэйэтигэр эрэллээх буоларын бөҕөргөтөллөр дуо? Холобура, мин тус бэйэм трениҥнэргэ үгүстүк сылдьабын уонна бэйэлэрин көрдөрө кэлбит дьону элбэхтэ көрүстүм. Кинилэр сайдар сыаллара суох. Көннөрү олорон эрэ этэллэр: "Чэ эрэ, сөхтөр эрэ миигин!", - уонна хас биирдии тиэһи ахсарбатах курдук тутта-тутта толорор. Киһи хара маҥнайгыттан бэйэтин итинник көрдөрдөҕүнэ, ол аата бу киһи бэйэтигэр эрэлэ суох эбит. Эн бэйэҕин өйдүөххүн, эйиэхэ туох наадатын билиэххин баҕарар буоллаххына, этэргэ диэри "уруһуйданар" сатаммат.

Киһи сирдээҕи аналын туһугар долгуйара сөп.

Чугас дьонун тылын истибэккэ, утары баран, бэйэлэрин баҕа санааларынан идэлэрин талан улуу дьон буолбуттар эмиэ бааллар. Холобура, Крис Берк дауннаах киһи. Кинини ыалдьарын иһин кыра эрдэҕиттэн киниэхэ наадыйбатахтар. Оттон билигин кини саамай биллэр стендап-комик. Киһи дууһата сытар идэтинэн үлэлиирэ, үчүгэй түмүктэри аҕалар дииллэрэ кырдьык. Урут мин 28№-дээх тулаайах уонна ийэтэ, аҕата суох хаалбыт оҕолору кытары үлэлээбитим. Бастаан утаа, дьонум онно барыма диэн бопсо сатаабыттара. Ол гынан баран, ол интернакка үлэлиир кэммэр уопутурбум, элбэҕи билбитим-көрбүтүм уонна онно үлэлээбиппиттэн кэмсиммэппин.

Уйулҕа үөрэҕин үнүстүүтүн бүтэрбит устудьуоннар үгүстэрэ маҥнайгы быраактыкаларын кэннэ дьону кытары үлэлиэхпитин, кинилэр кыһалҕаларын истиэхпитин баҕарбат эбиппит диэн кэлэллэр. Ол аата, бу кини идэтэ буолбатах. Маннык быһыы-майгы уйулҕа үөрэҕин үнүстүүтүн устудьуоннарыгар эрэ буолбакка атын даҕаны салаа устудьуоннарыгар эмиэ сыһыаннаах, төрөппүттэрэ эппит үөрэхтэригэр киирэн баран эрэйи көрө сылдьар оҕолор бааллар. Бэйэлэрин баҕаларын үөрэххэ киирэн үөрэнэн, бүтэрэн үлэһит буолан, идэлэрин таптыыр, чопчу бу идэни талбыттарыттан олус астынар дьонтон киһи үөрэр.

Үнүбэрсиэти бүтэрээт туохтан даҕаны тутулуга суох идэнэн үлэлии барыахха наада. Биһигини үлэҕэ хамсатар биир сүрүн хамсатааччыбыт - көҥүл буолар.

закрыть

Антиспам:

CAPTCHA