Дьокуускайга «Оҕуруо алыба – олоҕум аргыһа» диэн быыстапка арыллар

-->
Дьокуускайга «Оҕуруо алыба – олоҕум аргыһа» диэн быыстапка арыллар

18.05.2017 12:15:00

Рейтинг новости:

+

Просмотров: 147

Дьокуускайга «Оҕуруо алыба – олоҕум аргыһа» диэн быыстапка арыллар

Ыам ыйын 19 күнүгэр А.Е. Кулаковскай аатынан Норуоттар доҕордоһууларын дьиэтигэр норуот маастара Розалия Местникова «Оҕуруо алыба – олоҕум аргыһа» диэн быыстапката арыллыаҕа.

Розалия Ивановна 1995 сылтан ыла илиинэн уонна массыынанан оҕуруо анньан саҕалаабыт. Иистэнньэҥ Саха сирин олохотоох норуотун национальнай таҥаһын тигии уонна уһаныы номнуо сүппүт симэлийбит технологиятын саҥаттан күөдьүтэр баҕа санаалаах. Кини этэринэн, киниэхэ Хотугулуу-Илиҥҥи бэдэрээссийэлии үнүбэрсиэт культурология хаапыдыратын дассыана, норуот маастара, АБ уруһуйдьуттарын Сойууһун чилиэнэ, "Үрдүкү маастарыстыба оскуолата" устуудьуйа салайаачыта Светалана Петрова көмөлөһөр, ыйар-крдэр, сүбэлиир эбит.

Розалия Местникова биир саамай улахан үлэтэ Хотугу норуот уонна сахалар национальнай таҥастарын сэттэ кэмпилиэгин барытын, чуолаан бууктаах сону, сүктэр кыыс таҥаһын, кэдьиҥэ таҥалайы, Р.К. Маак уруһуйунан таҥалай сону, эбэҥкилии сону тикпит. Ону тэҥэ, ат симэҕин түөрт кэмпилиэгин тикпит, бу симэх хас биирдиитэ түөрт элимиэнтэн турар, ол эбэтэр сылгы сиэлиттэн оҥоһуллубут сэлээппэ, түбэтиэйкэ, сөрүө, уонна биисэрдээх сэлиэччик, суумка, үтүлүк, хаппар, симэх.

Кини үлэлэрэ Францияҕа, Болгарияҕа, Киргизияҕа, Монголияҕа уонна АХШ-гар ыытыллыбыт аан дойдутааҕы быыстапкаларга, куонкурустарга турбуттара. Розалия Ивановна Саха сиригэр уонна чугас эргин сытар улуустарга тиийэн саҥа саҕалаан эрэр оҕуруо анньар уонна массыынан быысапкалыы үөрэниэн баҕалаахтарга үгүс элбэх маастар кылааһы ыытта.

Куорат олохтоохторун уонна ыалдьыттарын быыстапканы кэлэн көрөргүтүгэр ыҥырабыт. Быыстапка үөрүүлээх арыллыыта 15 чаастан Норуоттар доҕордоһууларын дьиэтин үһүс этээһигэр буолуоҕа.

Иһитиннэрии ылыллыбыт аадырыһа: http://sakhalife.ru/v-yakutske-otkryivaetsya-vyistavka-o-uruo-alyiba-olo-um-argyi-a/

Автор: SakhaLife

закрыть

Антиспам:

CAPTCHA