Уйулҕа үөрэхтээҕэ оскуола аайы баар буолуохтаах

-->
Уйулҕа үөрэхтээҕэ оскуола аайы баар буолуохтаах

08.06.2017 11:09:00

Рейтинг новости:

+

Просмотров: 210

Уйулҕа үөрэхтээҕэ оскуола аайы баар буолуохтаах

Тыһыынча үөрэнээччилээх оскуолаҕа биир соҕотох уйулҕа үөрэхтээҕэ үлэлиир. Урут сэбиэскэй кэмҥэ бу үлэһит билими чинчийиинэн эрэ дьарыктанар эбит буоллаҕына, билигин кини эбээһинэһигэр үөрэнээччини уонна кини төрөппүттэрин өй-санаа өттүнэн сөпкө хайысхалыырга туһаайыы киирэн биэрдэ.

Уйулҕа үөрэхтээҕэ үгүс элбэх оҕоҕо эппиэтинэһи сүгэр, ону тэҥэ кумааҕы үлэтинэн көмүллэр. Кини үөрэнээччилэригэр болҕомтотун ууран, үөрэхтэригэр көмөлөһөн, идэни таба талалларыгар сөптөөх суолу ыйан биэрэр соругу барытын бииргэ тутан хайдах үлэлиэн сөбүй?

Сэбиэскэй кэмҥэ оскуолаҕа уйулҕа үөрэхтээҕэ диэн суоҕа. Үөрэнээччини өй-санаа өттүнэн бэлэмнээһин диэн наадата суох дэнэрэ. Ол гынан баран, уйулҕа үөрэхтээхтэрэ диэн син биир баар этилэр, эрээри кинилэр эбээһинэстэригэр үөрэнээччигэ көмөлөһүү киирбэт этэ. Уйулҕа үөрэхтээхтэрэ оскуолаҕа көннөрү чинчийэр үлэни ыыталлара.

Быраактыкалаах уйулҕа үөрэҕин үлэтэ Арассыыйа саҥа кэмиттэн саҕаламмыта. Саҥа идэ бэрэстэбиитэллэрэ үлэлэрин саҥаттан саҕалаабыттара, ол курдук оскуолаҕа үлэлиир уйулҕа үөрэхтээҕэ үлэтэ көдьүүстээх буоларын туһугар анаммыт докумуон, үөрэх кинигэтэ, ыйынньык, иһитиннэрии диэн суоҕа.

Уйулҕа үөрэхтээхтэрэ уонна социальнай педагогтар тас дойду оскуолаларыгар уонна уһуйааннарыгар штаттаах үлэһиттэр. Оттон Арассыыйаҕа бу боппуруос тула мөккүөр билигин даҕаны баар.

Мин санаабар, оннооҕор биир соҕотох уйулҕа үөрэхтээҕэ тугу эрэ ситиһиэн, үчүгэй көрдөрүүнү олохтуон сөп. Кини үлэтин саамай сүрүнэ диэн үлэтин сөпкө туруоран, ханнык хайысханан үлэлиирин быһаарыан эрэ наада. Уйулҕа үөрэхтээҕин сүрүн үлэтэ - ырытыы, атын өттүттэн көрдөххө, кини үчүгэй тэрийээччи буолуохтаах. Холобура, сорох иһитиннэриини кылаас салайааччытыттан ылыахха сөп, чуолаан характеристиканы.

Туһалаах дааннайдары иитэр үлэҕэ эбэтэр билим үлэтигэр дириэктэри солбуйааччыттан ылыахха сөп. Оттон социальнай педагог үөрэнээччи уонна төрөппүт икки ардынааҕы сыһыанын туһунан дааннайы биэриэн сөп. Иһитиннэриини барытын хомуйан баран, ырытан тугу эмэ таһаарыахха сөп.

Урут оскуолаҕа уйулҕа үөрэхтээҕин быһыытынан үлэлии сылдьан, оскуола кэлэктиибин бириэмэтин аттаран биир кылааһы кытары тус сыалаах үлэлиир соругу тутуһар этим. Педконсилиум хас ый аайы тус кылааһы ырытар, төрөппүттэри кытары иитии туһунан бэсиэдэлиир, үөрэх өттүгэр учууталлары хонтуруоллуур. Бу үгүс оскуолаларга уонна үөрэх кэлэктиибигэр саамай табыгастаах формула буолар.

закрыть

Антиспам:

CAPTCHA