Дьону кытары кэпсэтэртэн толлууну кыайа тутуу

-->
Дьону кытары кэпсэтэртэн толлууну кыайа тутуу

15.06.2017 14:17:00

Рейтинг новости:

+

Просмотров: 365

Дьону кытары кэпсэтэртэн толлууну кыайа тутуу

Социофобия - киһи дьону кытары кэпсэтэриттэн эбэтэр дьон иннигэр саҥарарыттан толлуута биһигини барыбытын таарыйыан сөп. Ол эрээри, билиҥҥи үйэҕэ дьону кытары кэпсэппэккэ табыллыбаккын. Маннык быһыы суох буоларын туһугар тугу гыныахтаахпытый?

Киһи экстраверт уонна интроверт диэн икки көрүҥҥэ арахсар. Дьону кытары кэпсэппэтэхтэринэ сатаммат дьон диэн баар. Кинилэр доҕотторун-атастарын, чугас дьонун ортотугар сырыттахтарына бэйэлэрин үчүгэйдик сананаллар. Көннөрү кэпсэтии даҕаны кинилэргэ күүс-уох эбэр. Соҕотох хааллахтарына букатын тэһийбэккэ, оннооҕор “депрессийэлиэхтэрин” сөп.

Маннык дьонтон отой ураты, соҕотох сылдьалларын ордорор дьон эмиэ баар. Кинилэр бэйэлэрэ-бэйэлэригэр сылдьан, сөбүлүүр дьарыктарынан дьарыктаналларын, холобура кинигэ ааҕалларын, уруһуйдуулларын, кроссворд таайалларын сөбүлүүллэр.

Киһиэхэ дьону кытары кэпсэтии наадата суох диир сыыһа. Олоххо-дьаһахха суолталаах түгэҥҥэ сылдьан киһи толлуон, хомойуон, онтон сылтаан социофобия үөскүөн сөп.

Социофобия майгыта, бу ыарыы хайдах үөскээбититтэн тутулуктаах. Маннык ыарыы удьуорунан эбэтэр киһи тус бэйэтин өйүттэ-санаатыттан, туохтан охсуу ылбытыттан тутулуктанан бэриллиэн сөп.

Холобура, үгүс киһи үнүбэрсиэккэ саҥа үөрэнэ кэлбитин, үгүс элбэх дьон ортотугар баар буола түспүтүн кэннэ маннык кыһалҕаҕа ылларар. Устудьуон бэйэтин интэриэһин тула кэпсэтэр, бэйэтигэр чугас майгылаах киһини ырытан көрөн баран талан кэпсэтэрэ уонна арыый даҕаны хорсун буолара наада.

Социофобиялаах киһи бэйэтин бэлэмнээн үлэҕэ туруннаҕына кини бу ыарыыны кыайар кыахтаах. Оттон кэлэктиип киһи ханнык баҕар талаанын уһугуннарыан сөп. Уруккута социофоб киһи салайар талааннаах эмиэ буолар. Биир тылынан эттэххэ, туох барыта киһиттэн бэйэтиттэн тутулуктаах. Социофобия - бу тус ураты, онон маны киһи баҕарар буоллаҕына бэйэтэ көннөрөн биэрэр кыахтаах.

закрыть

Антиспам:

CAPTCHA