Идэ биэрэр үөрэх таһымын үрдэтэр үнүстүүт

Идэ биэрэр үөрэх таһымын үрдэтэр үнүстүүт

-->

 Ольга Марковна Чоросова - дириэктэр, уйулҕа билимин хандьыдаата, педагогика билимин дуоктара, АПСН чил.-корр.

Аадырыһа:677000, Кулаковскай уул, 48 №-рэ, ЕНК, 530 хос

Төл.(факс): 84112-321355


Үнүстүүт сүрүн сыала – идэ биэрэр үөрэх таһымын тиһигин быспакка сайыннарыы; үөрэх ГОСТ-ын уонна араас үөрэх тэрилтэлэригэр үөрэтии барыгырааматын утумун хааччыйыы; билиҥҥи ырыынак үйэтигэр үөрэх эбии өҥөтүн оҥоруу эйгэтигэр Үнүстүүт эппиэттэһэригэр усулуобуйаны оҥоруу; үнүбэрсиэт үөрэх салааларын кытта Хотугулуу-Илиҥҥи үнүбэрсиэт үөрэх салааларын, Бирисидьиэн тиһигэр киирбит оскуолалары, ПНПО кыайыылаах оскуолаларын, о±о тэрилтэлэрин, ассоциацияларын, научнай тэрилтэлэрин, саҥаны киллэрэр педагогическай ааптарскай бырайыактары (авторские площадки), маны таһынан үөрэтэр бырааптаах атын, ол иһигэр кэмиэрчэскэй субъектары кытта холбоһон, Хотугулуу-Илиҥҥи үнүбэрсиэттии үөрэх уокуругун сайдыытыгар көмөлөһүү.

Үнүстүүт идэ таһымын үрдэтэр араас кэрдиистээх үөрэх барыгыраамаларын олоххо киллэрэр: кылгас кэмнээх куурустар (72 чаастан итэҕэһэ суох); чопчу тиэмэни уонна проблеманы туруоран үөрэтии (72-100 чааска диэри); уһун кэмнээх (100 чаастан ордук) үөрэх. Уһун кэмнээх куурустар билим араас эйгэтин тирээн турар боппуруостарын, үөрэх, технология о.д.а. араас эйгэҕэ ырытылла илик боппуруостары сыныйан үөрэтэллэр. Үнүстүүт үлэһиттэрэ лиэксийэлэри, практическай дьарыктары, сэминээрдэри, лабораторнай үлэлэри, уопут атастаһар маастар-кылаастары, командировкалары, стажировкалары, консультациялары, куурустааҕы, дипломнай үлэлэр көмүскэниилэрин тэрийэн ыыталлар.

Үнүстүүт базатыгар «ВЕБКАФЕДРА» үөрэх портала тиһигин быспакка үлэлиир. Бу хаапыдыра ханнык ба±арар идэ уһуйаана хайа баҕарар сиртэн бэйэтигэр табыгастаах кэмҥэ идэтин таһымын үрдэтэригэр улахан көмөлөөх. Бу бырайыак электроннай үөрэхтээһин SCORM 1.2.а аан дойдутааҕы ыстандаартыгар дьүөрэлээн олоххо киллэриллэр.

закрыть

Антиспам:

CAPTCHA