Устудьуоҥҥа көмө

Санаторий-профилакторий устудьуоҥҥа хайдах көмөлөһөрүй?

Санаторий-профилакторий устудьуоҥҥа уонна үлэһиккэ үөрэхтэн, үлэттэн арахпакка, ону тэҥэ сынньалаҥ уонна уоппуска кэмигэр профилакторийга сытан эбэтэр кэлэн доруобуйатын чэбдигирдэр, эмтэнэр кыах биэрэр, табыгастаах уонна туһааннаах диетическэй аһылыгынан, толору, биир күдьүс, үрдүк таһымнаах эмтээһининэн хааччыйар.

Лицензия 2010 сыл алтынньы 19 күнүнээҕи 14-01-000705 №-дээх

Уопсастыбаннай доруобуйа уонна доруобуйа харыстабылын тэрийии, тэрэпиийэ, физиотэрэпиийэ; диетологияҕа, мэдэссиинискэй массааска, сиэстирэ эйгэтигэр доврачебнай мэдэссиинискэй көмө идэлэргэ санаторнай-курортнай көмө мэдэссиинискэй үлэҕэ быраап

2010 сыл алтынньы 19 күнүнээҕи 14-01-000706 №-дээх Педиатрия; эмтиир физкультура уонна спорт мэдэссиинэтэ доврачебнай мэдэссиинискэй көмө идэлэргэ санаторнай-курортнай көмө мэдэссиинискэй үлэҕэ быраап.

Санаторий-профилакторийга эмтэнии болдьоҕо?

Санаторий-профилакторийга эмтэнии болдьоҕо – 21 күн. Болдьох ураты түгэҥҥэ (кыһыҥҥы уонна сайыҥҥы сынньалаҥ кэмигэр) 10-11 күҥҥэ дылы кылгатыллыан син.

Санаторий-профилакторийга биир сыл устата иккитэ киирэн эмтэниэххэ син дуо?

Санаторий-профилакторийга биир сыл устата иккис төгүлүн эмтэнии мүлчүрүйбэт кыһалҕалаах түгэҥҥэ (устудьуон уустук диагноһынан эбэтэр субул бэргээһининэн диспансернай учуокка турар буоллаҕына), санаторий-профилакторий кылаабынай бырааһын түмүгүнэн көҥүллэниэн син, ол эрэн биир эрэ болдьоххо, маны тэҥэ олохтоммут бэрээдэгинэн саҥа путевка бэриллэр.

Санаторий-профилаторийга хайдах киириэххэ синий?

Санаторий-профилакторийга киирэргэ ирдэнэр докумуон:

- ХИФУ устудьуон маҥнайгы сүһүөх профсоюзнай тэрилтэтигэр (ППОС) сайабылыанньа;

- путевка ыларга 070 формалаах мэдэссиинискэй справка (RW, я/гл аналиһын, ФЛГ түмүктэрэ);

- санаторнай-курортнай карта;

- Сбербаан нөҥүө ХИФУ хаассатыгар путевка сыанатын сорҕотун төлөбүрэ;

- устудьуон билиэтэ;

- 3х4 хаартыска

Устудьуоҥҥа аналлаах ханнык мэдэссиинискэй өҥө баарый?

Профилакторийга массаж кабинета, физиолечение киэҥник биллэр:

- УФО ыытыллар,

- эминэн электрофорез,

- араас түргэннээх тогунан эмтээһин (СМТ, ДДТ, Дарсонваль, УВЧ, ультразук),

- ингалятор,

- электроутуйуу палатата.

Бадараанынан эмтээһин кабинета (дэҥҥэ көстөр эмтээх Абалаах күөл былыык бадараанынан аппликация), эмтээх баанна кабинета (чөмчүүк, араас эмтээх), кислороднай коктейль кабинет. Велотренажердаах, сүүрэр дорожкалаах уонна да атын спорт снарядтаах эмтиир физкультура кабинетка физическэй көрүҥнэрин тупсарыан баҕалаахтарга дьарык ыытыллар

Санаторий-профилакторий атастаһык картата хайдах оҥоһулларый?

Санаторий-профилакторийга киирбиккэ ыарыы историятын картата оҥоһуллар, манна киирэригэр туга ыалдьара бэлиэтэнэр, удьуордааһына, буортулаах фактор баара быһаарыллар, аналиһа, үлэтигэр буортулаах фактора, объективнай статуһа, диагноһа, эмтэниитин хаамыыта суруллар. Көрдөрүүлэр анааһын илииһигэр киллэриллэллэр. Профилакторийга эмтэммиттэргэ выписной эпикриз суруллар, манна туох эмтээһин, эмтээһин көдьүүһэ уонна салгыы кэтээн көрүүгэ сүбэ суруллар.

Санаторий-профилакторийга киирии бэрээдэгэ?

Санаторий-профилакторийга киирэригэр устудьуон туоһу дастабырыанньатын, 3х4 хаартыскатын, путевкатын, клиническэй анализтаах (RW, я/гл аналиһын, ФЛГ түмүктэрэ) санаторнай-курортнай картатын биэрэр. Эмтэнээччилэри быраас үһүс күнтэн хойутаппакка көрөр уонна эмтэнии тус барылын оҥорор.

Санаторий-профилакторийга ханнык анал мэдэссиинискэй кабинет баарый?

«Смена” санаторий-профилакторий эмтиир кабинеттара: Физиоэмтээһин кабинета Бадараанынан эмтээһин кабинета Массаж кабинета Процедура кабинета Эмтиир физкультура кабинета Фитотэрэпиийэ кабинета Кислороднай коктейль кабинета Эмтиир баанна кабинета.

Санаторнай-курортнай эмтэнии диэн тугуй? Путевка ханнык устудьуон ылар бырааптааҕый?

«Арассыыйа Бэдэрээссийэтигэр курортнай дьыала көдьүүстээх сайдыыта нэһилиэнньэ чөл туругар, ыалдьыы уонна инвалидность таһымын намтааһыныгар, поликлиникаҕа уонна стационарга ыарыһахтары эмтииргэ ороскуоту аҕыйатыыга үчүгэйдик дьайыа» (Арассыыйаҕа курортнай дьыала сайдыытын судаарыстыбаннай бэлиитикэтин Кэнсиэпсийэтиттэн) Санаторнай-курортнай эмтээһин – курортка, эмтиир-чэбдигирдэр сиргэ, санаторнай-курортнай тэрилтэҕэ айылҕа эмтиир кыаҕын туһанан сэрэтэр, эмтиир уонна чөлүгэр түһэрэр сыаллаах мэдэссиинискэй көмө. Арассыыйаҕа санаторнай-курортнай дьыала туһааннаахтык уонна көдьүүстээхтик ыарыыны сэрэтэр, ыарыһаҕы эмтиир, доруобуйатын чөлүгэр түһэрэр кыаҕы биэрэр судаарыстыбаннай бэлиитикэ, доруобуйа харыстабылын национальнай тиһигин суолталаах чааһа. Санаторий-профилакторийга киирэргэ маннык устудьуон уонна үлэһит ураты бырааптаах: - оһоллонуу, операция уонна ыарыы кэнниттэн эмтэниигэ наадыйар устудьуон; - диспансернай учуокка турар, элбэхтэ уонна уһуннук ыалдьар; - инбэлиит-устудьуон уонна инбэлиит-үлэһит; - ыар уонна буортулаах усулуобуйаҕа үлэлээччилэр; - хат дьахталлар эрдэтээҕи болдьоххо; - хааннарын тиһиктээхтик туттарар донор; - эрдэҕэс оҕолор.

Санаторнай-курортнай эмтэнии диэн тугуй? Путевка ханнык устудьуон ылар бырааптааҕый? Устудьуоннарга санаторнай-курортнай эмтэниигэ путевканы хайдах түҥэтэллэрий?

Устудьуоннарга «Смена» санаторий-профилакторийга ХИБҮ устудьуоннарын санаторнай-чэбдигирдэр эмтэниигэ путевканы түҥэтии уонна биэрии бэрээдэгин туһунан Балаһыанньанан санаторий-профилакторийга путевканы түҥэтиллэр. Санаторий-профилакторийга эмтэнэргэ үнүбэрсиэт устудьуоннарын уонна үлэһиттэрин мэдэссиинискэй талыы санаторий-профилакторий кылаабынай бырааһын (профильнай быраастарын) кыттыылаах устудьуон поликлиникатын, территориальнай поликлиникларын быраастарынан АБ ДХуоССМ 2004 сыл сэтинньи 22 күнүнээҕи 256 №-дээх «Санаторнай-курортнай эмтэниигэ ыарыһахтары мэдэссиинискэй талыы уонна анааһын бэрээдэгин туһунан» бирикээскэ (АБ ДХуоССМ 2007 сыл тохсунньу 1 күнүнээҕи 3 №-дээх бирикээһин эрэд.) олоҕуран ыытыллар. Санаторий-профилакторийга ыарыһахтары путевканан, ону тэҥэ олохтоммут форманан толоруллубут санаторнай-курортнай картанан ылаллар.

«Донор күнэ» диэн тугуй? Хааны ким туттарар бырааптааҕый? Хаан туттарга туох ирдэнэрий?

Донор күнэ – сылын аайы ыытыллар акция. Бу күн ХИБҮ устудьуоннара хаан туттараллар. Донорга сөп түбэспэт буолуу түгэннэрэ: абсолютнай, ол эбэтэр ыарыы болдьоҕуттан уонна эмтэнии түмүгүттэн тутулуга суох, уонна быстах – тустаах бодьохтоох.

Абсолютнай түгэннэр: ВИЧ-инфекция, сифилис, вируснай гепатит, туберкулез, хаан, онкологическай ыарыылар уо.д.а. улахан ыарыы.

Быстах түгэннэр төрүөтүттэн көрөн араас болдьохтоох буолаллар. Саамай тарҕаммыт: тииһи тууруу (10 күн), татуировканы оҥорторуу (1 сыл), ангина, грипп, ОРВИ (үтүөрүү кэнниттэн 1 ый), ыйданыы (5 күн), оҕо түһэртэрии (6 ый), хат буолуу уонна үүтүрүү кэмнэрэ (оҕолонуу кэнниттэн 1 сыл, үүтүрүү кэмэ бүппүтүн кэннэ 3 ый), прививка. 18 саастарын туола илик, ону тэҥэ наркотигынан, аһыы утаҕынан үлүһүйэр дьон донор буолаллара көҥүллэммэт.

Хаан эбэтэр хаан компоненнарын туттарар күнүгэр донор үлэтиттэн босхолонор, босхо аһылыгынан хааччыллар. Хаан туттарбыт күнүн кэннэ донорга орто хамнаһын төлөбүрдээх биир күн сынньалаҥ көрүллэр. Сылга иккитэ уонна иккиттэн элбэхтэ хаанын туттарбыт донорга көрүллэр: сыл устата – үлэ ыстааһыттан тутулуга суох, толору хамнас кээмэйдээх, ыарыы бары көрүҥүнэн быстах болдьоххо үлэни кыайбат буолууга босуобуйа, санаторнай-курортнай эмтэниигэ чэпчэтиилээх путевканы ыларга ураты быраап. Хааннарын түөрт уон төгүл уонна онтон үгүстүк эбэтэр плазмаларын алта уон төгүл уонна онтон үгүстүк туттарбыт дьон “Арассыыйа бочуоттаах донора” бэлиэнэн наҕараадаланар уонна сылын аайы харчынан төлөбүр ылар бырааптаах.

закрыть

Антиспам:

CAPTCHA