Тас дойдуну кытта сибээс салалтата

Тас дойдуну кытта сибээс салалтата

--> Кугунуров Владлен Васильевич - Начальник
677027, Дьокуускай куорат, Кулаковского уул. 42 №-рэ, 216 хос
Төл.: +7 (4112)361453, факс: +7 (4112)361453
Эл. аадырыһа: oip-yakutsk@mail.ru

Тас дойдуну кытта бииргэ үлэ М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт биир сүрүн, кэскиллээх хайысхата буолар.

Хотугулуу-Илиҥҥи бэдэрээссийэлии үнүбэрсиэт аан дойду уонтан тахса үнүбэрсиэтин, колледжын, научнай-чинчийэр киинин кытта бииргэ үлэлиир

Биһиги үнүбэрсиэппит Кэриэй, Дьоппуон, Кытай Өрөспүүбүлүкэлэрин, АХШ, Канада, Финляндии, Швеция, Норвегия, Исландия үөрэх кыһаларын кытта бииргэ алтыһар. Маны сэргэ Великобритания, Германия, Франция, Польша, Швейцария, СНГ курдук бөдөҥ дойдулары кытта ыкса сибээһи тутар

Биһиги тас дойдулары кытта маннык сыһыаны олохтуубут:

Үнүбэрсиэттэн - аан дойдуга …

устудьуоннары уонна аспираннары үөрэттэрэ ыытабыт.

Тас дойдуну кытта сибээс салалтатын сайтыгар Эһиги кыттыгас үнүбэрсиэттэр, истипиэндьийэ анал барыгыраамаларын, тылы үөрэтии куурустарын туһунан билиэххит. Биһиги бэйэбит устудьуоннарбытын, аспираннарбытын тас дойдуга тахсан үөрэнэллэригэр уонна стажировкаланалларыгар көмөлөһөбүт. Уһуйааннар уонна чинчийээччилэр тас дойду дьонун кытта бииргэ ыыппыт чинчийиилэрин аан дойду таһымыгар таһаарыы, үбүлэниитин туһунан мантан булан ааҕыаххытын сөп.

Аан дойдуттан – биһиги үнүбэрсиэппитигэр…

тас дойду (омук) устудьуоннара кэлэн үөрэнэллэр.

Аан дойду араас муннугуттан биһиэхэ үөрэнэ кэлэр устудьуоннарга анаан сайыҥҥы оскуолалар былааннарыгар, үнүбэрсиэт үөрэҕин барыгырааматыгар уонна атастаһык барыгыраамаларга олоҕуран, нуучча тылын куурустарын тэрийэн ыытабыт.

Биһиги үөрүүнү кытта Эһиги бары ыйытыыларгытыгар толору эппиэттиэхпит. Тас дойдуттан үөрэнэ кэлбит устудьуоннарбытыгар Хоту кыраай баай култууратын, ураты сиэрин-майгытын, олоҕун-дьаһаҕын кытта билиһиннэрэргэ куруук бэлэммит.

Биһиэхэ аан дойду араас муннугуттан уопут атастаһа биллиилээх учуонайдар, бөдөҥ чинчийээччилэр, уһуйааччылар кэлэллэр. Кинилэр биһиги устудьуоннарбытыгар бэйэлэрин тылларын үөрэтэллэр, култуураларын туһунан сырдаталлар, араас чинчийиилэри кыттыһан ыыталлар

Аан дойдуну кытта бииргэ…

Биһиги тас дойдуттан сылдьар кыттыгас устудьуоннарбытын, учуонайдарбытын кытта куолаан, үөрэх барыгыраамаларын оҥоробут, устудьуоннар кыһыҥҥы уонна сайыҥҥы оскуолаларын тэрийэбит, аан дойду таһымыгар үлэлиир лабораториялары, экспедициялары, бырайыактары толкуйдаан, олоххо киллэрэбит.

Биһиги тас дойдуттан сылдьар ыалдьыт устудьуоннарбытыгар «тандем» диэн ааттаах үнүбэрсиэт эйгэтигэр толору киирэр кыаҕы биэрэр, элбэх доҕор-атас буларга табыгастаах үөрэх бырайыагын утары уунабыт.

М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт аан дойдутааҕы түһүмэҕэр тас дойдуну кытта сибээс салалтата, Франция посольствотын боронсуус тылын үөрэтэр киин, Гете үнүстүүтүн үөрэх-методическэй киинэ, Кэриэй информационнай киинэ, ЮНЕСКО «Адаптация человека и общества в арктических регионах в условиях изменения климата и глобализации» норуоттан икки ардыларынааҕы хаапыдырата, «Информация для всех» ЮНЕСКО барыгырааматын иһинэн «Многоязычие в киберпространстве» Киин, Тыл Киинэ, Илиҥҥи дойдулар үнүстүүттэрэ киирсэр.

Үнүбэрсиэт аан дойду таһымыгар үлэтэ, бастатан туран, үрдүк үөрэх кыһатын биир тыыҥҥа киллэриигэ, атын омук кыһаларын кытта эйэлээх, доҕордуу сыһыаны олохтуурга, үнүбэрсиэт үлэтин-хамнаһын бөҕөргөтөргө туһуланар. Үнүбэрсиэт аан дойду таһымыгар үлэтин салайар, хонтуруоллуур сыаллаах тас дойдуну кытта сибээс Салалтата тэриллибитэ

Тас дойдуну кытта сибээс Салалтатын үлэтин хайысхалара:

устудьуону уонна үлэһити кытта атастаһыгы тэрийии

научнай-чинчийэр бырайыактары кыттыгас оҥорууга уонна олоххо киллэриигэ көмө олохтооһун

аан дойдутааҕы үөрэх барыгыраамаларын, пуондаларын туһунан информацияны булан тиксэрии

Саха сиригэр тас дойду дьонун официальнай ыҥырыгын, манна кэлиилэрин, көҥүл ылыыларын (виза) оҥоруу

үөрэх уонна билим боппуруоһун быһаарсар соруктаах үнүбэрсиэт ыалдьыттарын уонна тас дойдуттан кэлэр делегацияҕа анаан барыгыраама олохтооһун, оҥоруу

үөрэх уонна билим боппуруоһун быһаарсар соруктаах үнүбэрсиэт ыалдьыттарын уонна тас дойдуттан кэлэр делегацияҕа анаан барыгыраама олохтооһун, оҥоруу

Тас дойдуттан кэлэр устудьуоннарга, аспираннарга анаан үөрэх тустаах барыгырааматын оҥоруу.

Билиҥҥи кэмҥэ ХИБҮ үлэтин-хамнаһын туһунан Польша, Чехия, Великобритания, Германия, Австрия, Франция, Бельгия, АХШ, Канада, Кэриэй, Дьоппуон, Кытай Өрөспүүбүлүкэлэрэ бары билэн олороллор. ХИБҮ Арктика үнүбэрсиэттэрин, үнүбэрсиэттэр аан дойдутааҕы ситимнэрин, колледжтарын, Арктика дойдуларыгар билим киинин чилиэнэ буолар.

Үнүбэрсиэт иһигэр аан дойдутааҕы кииннэр тэриллэн үлэлииллэр:

Кэриэйдээҕи информационнай-культурнай киин;

Франция посольствотын киинэ

Илиҥҥи дойдулар үнүстүүттэрэ;

Гёте үнүстүүтүн салаата;

Арктика үнүбэрсиэттэрин нууччалыы тыллаах информационнай киинэ;

Арассыыйатааҕы академическай барыгыраама Регионнааҕы офиһа;

«Ассоциация преподавателей английского языка г.Якутска «Yakut-TESOL» уопсастыбаннай түмсүү;

Омук тылын үөрэтэр араас куурустар тылларын киинэ.

закрыть

Антиспам:

CAPTCHA