Уопсай сибидиэнньэ

Уопсай сибидиэнньэ

-->

Арассыыйа Бэдэрээссийэтин Бирисидьиэнин 2008 сыл ыам ыйын 8 күнүнээҕи 716№-дээх “О федеральных университетах” Уурааҕынан уонна Арассыыйа Бэдэрээссийэтин Бирисидьиэнин 2009 сыл алтынньы 21 күнүнээҕи 1172№-дээх “О создании федеральных университетов в Северо-Западном, Приволжском, Уральском и Дальевосточном федеральных округах” Уурааҕынан М.К.Аммосов аатынан Саха судаарыстыбаннай үнүбэрсиэтин базатыгар олоҕуран, Саха судаарыстыбаннай инженернэй-техническэй института, Саха судаарыстыбаннай педагогическай академията, Новосибирскайдааҕы судаарыстыбаннай федеральнай университет иһинээҕи «Хотугу сир региональнай экономикатын» института, «Хотугу сир прикладной экологиятын института», М.К.Аммосов аатынан Саха судаарыстыбаннай үнүбүрсүөтүн иһинэн математика научнай-чинчийэр института», «Доруобуйа института» уонна үөрэх федеральнай ааҕыныстыбатыгар киирэр үөрэх тэрилтэлэрэ уонна атын да тэрилтэҕэ сыһыаннаах үөрэх, наука тэрилтэлэрэ холбоһуктаах Хотугулуу-Илиҥҥи бэдэрээссийэлии үнүбэрсиэт тэриллибитэ.

Арассыыйа Бэдэрээссийэтин Бырабыыталыстыбатын 2010 сыл муус устар 2 күнүнээҕи 499 №-дээх ыйааҕынан үрдүк үөрэх федеральнай судаарыстыбаннай автономнай уокуругар «М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт» тэриллибитэ. Үөрэх автономнай уокуругун учредителэ - Арассыыйатааҕы үөрэх уонна наука Министиэристибэтэ.

Арассыыйа Бэдэрээссийэтин Бырабыыталыстыбатын 2010 сыл муус устар 9 күнүнээҕи 512 №-дээх ыйааҕынан ректорынан Евгения Исаевна Михайлова анаммыта.

2010 сыл бэй ыйын 9 күнүгэр М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт официальнайдык бигэргэммитэ. Сокуоннай регистрация Хотугулуу-Илиҥҥи бэдэрээссийэлии үнүбэрсиэт юридическай сирэйдэр биир кэлим судаарыстыбаннай реестрдэригэр киллэриллибитэ.

Олоҕурбут бэрээдэк сиэринэн, Арассыыйатааҕы үөрэх уонна наука Министиэристибэтин 2010 сыл бэс ыйын 11 күнүнээҕи 596 №-дээх бирикээһинэн М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт Кэтээн көрөр сэбиэтин чилиэттэрэ талыллыбыттара. Сэбиэт чилиэнинэн ХИБҮ профессора Алексеев Анатолий Николаевич, Чукоткатааҕы автономнай уокурук Бырабыыталыстыбатын бэрэссэдээтэлэ Копин Роман Валентинович, Арассыыйатааҕы үөрэх уонна наука Министиэристибэтин миниистирин солбуйааччы Мазуренко Сергей Николаевич, “Алмаасэргиэнбаанк” АКБ Бырабылыанньатын бэрэссэдээтэлэ Миронов Александр Степанович, Саха Өрөспүүбүлүкэтээҕи Бырабыыталыстыба уонна Бирисидьиэн администрациятын салайааччы Николаев Айсен Сергеевич, ХИБҮ дассыана, үнүбэрсиэт профсоюһун Кэмитиэтин бэрэссэдээтэлэ Саввин Афанасий Семенович, наука Россиятааҕы академиятын член-корреспондена, Дьокуускайдааҕы научнай Киин бэрэссэдээтэлин солбуйааччы Сафронов Александр Федотович, Саха Өрөспүүбүлүкэтин судаарыстабаннай баайын салайыы федеральнай ааҕыныстыбатын территориальнай управление салайааччыта Тресков Игорь Борисович, ХИБҮ экономика уонна управление хаапыдыратын сэбиэдиссэйэ Чиряева Наталья Гавриловна талыллыбыттара.

Кэтээн көрөр сэбиэт бэрэссэдээтэлинэн Арассыыйатааҕы үөрэх уонна наука Министиэристибэтин миниистирин солбуйааччы Сергей Николаевич Мазуренко анаммыта.

ХИБҮ тэриллибитин туоһулуур докумуоннар 2010 сыл ыам ыйын 31 күнүгэр илии баттаммыттара, “Соглашение о субсидиях на возмещение зартарт на оказание услуг” Устаап 2010 сыл бэс ыйын 30 күнүгэр бигэргэммитэ. От ыйын 1 күнүттэн ХИБҮ расчетнай счеттара арыллыбыттара.

М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт Арассыыйа Хотугулуу-Илиҥҥи өттүгэр социальнай-экономическай тиһиктээх сайдыы боппуруоһун быһаарар кыахтаах каадрдары уонна научнай үлэһиттэри бэлэмниир соруктаах.

Үнүбэрсиэт тирээн турар сүрүн сыала - сиэр-майгы өттүнэн үтүө хаачыстыбалаах, чэгиэн-чэбдик туруктаах, дойду политическай, культурнай, экономическай интэриэһин көмүскүүр, туруулаһар киэҥ билиилээх-көрүүлээх, үрдүк эппиэтинэстээх, толору бэлэмнээх дэгиттэр ыччаты иитэн таһаарыы.

2010 сыл түмүгүнэн М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт регионнар икки ардыларынааҕы “Лучшие вузы Дальевосточного федерального округа — 2010” күөн-күрэс лауреата буолбута, «Знак качества» национальнай реестр испииһэгэр киирбитэ..

2010 сыл алтынньы 7 күнүгэр Арассыыйа Бэдэрээссийэтин Бырабыыталыстыбата ХИБҮ сайдар барыгырааматын бигэргэппитэ. Бу барыгыраама үнүбэрсиэт 2007-08 сс. үөрэх, чинчийии, саҥалыы сыһыаны көрдөрөр үлэ түмүгүн учуоттаан уонна атын федеральнай үөрэх тэрилтэрин үтүө уопутугар олоҕуран оҥоһуллубута.

Бүгүҥҥү күҥҥэ М.К.Аммосов аатынан Хотугулуу-Илиҥҥи бэдэрээссийэлии үнүбэрсиэт үөрэх, наука, производство сайдыылаах киинэ буолла. Саха сирин уонна Дальнай Восток экономикатын салгыы сайыннарар кыахтаах аныгы үйэ ирдэбилигэр толору эппиэттиир идэлээх үлэһиттэри бэлэмниир кыаҕы ситистэ.

Аан дойду ыстандаартыгар, үрдүк таһымҥа эппиэттиир үөрэх барыгыраамалара оҥоһуллуоҕа, үрдүк үөрэх кыһатын аныгылыы инфраструктурата таҥыллан олоххо киириэҕэ.

Саҥалыы билиини кэҥэтэр, сайыннарар билим эйгэтин кэскиллээх хайысхаларыгар үөрэх научнай кииннэрэ тэриллиэхтэрэ, саҥалыы сыһыаны биһириир, өйүүр тиһик айыллыаҕа.

ХИБҮ Арассыыйа Хотугулуу-Илиҥҥи норуоттарын култуураларын сайдыытын биир тутаах киинэ буолуоҕа.

закрыть

Антиспам:

CAPTCHA