Хамыыска-2024

         Олунньу 15 күнүгэр КФЕН 3 этээһигэр "Хаамыска-2024" өбүгэлэрбит остуол оонньууларын салҕаан студент саха ыччата күрэхтэстилэр. Бу өбүгэлэрбит оонньуулара омос көрдөххө судургу курдук, ол эрээри ис иһигэр киирдэххэ киһи туох баар этин-хаанын хамсатар, төбөтүн төгүрүччу үлэлэтэр, санааны-сыалы ситиһэргэ –дьулуһарга үөрэтэр. Төбөҥ, харахтарын, илиилэрин имигэстэрэ, атахтарын –барыта оруоллаах.

         Хаамыска күрэҕэр 14 киһи кыттыыны ылла:. ИМИ-тэн Игнатьев Артем, ПИЭ-23, Пинигин Рома, ИТСС-23, Алексеева Валентина, МПО-22, Майорова Иванна, МПО-22, Семенова Виктория, МПО-22, Водованов Андрей, ФИИТ-23, Федоров Степан, ПИЭ-21, Местникова Уйгулаана, ПОИМ-21. Ону тэҥэ Сутакова Ольга, ВТ кафедраттан, Ефимов В. П., ТМОМИ кафедра сэбиэдиссэйэ кыттыыны ыллылар. ИФКИС-тэн хаамыска күрэҕэр кыттыыны ыллылар Протопопова Айсаана, БЖ-22, Владимирова Даша, БЖ-22, Винокуров Айаал, ФК-22 уонна Ефимов Агит, ПП-22 ИЕН.

         Хаамыска күрэҕи иилээн-саҕалаан ыыттылар: Сергучев Артем, ПИЭ-23, судьуйа, Смирников Ариан, ПИЭ-23 секундант-судьуйа, Ковальска Варвара Николаевна, сэкиритээр-комментатор, Кычкин Артемий, МАГ-ПИЭиУ-23 –хаартыскаҕа түһэрээччи. Хас биирдии кыттааччы-спортсмен 2 мүнүүтэҕэ оонньоото.

Тыҥааһыннаах киирсии түмүгэр 1 миэстэни ылла Ефимов Агит, ИЕН студена (3 куруук, 4 түһүмэх), 2 миэстэ5э – Местникова Уйгулаана, ИМИ студентката (3 куруук, 1 түһумэх), 3 миэcтэни мүччу туппата Иванова Сайыына (2 куруук, 3 түһүмэх)! Кыайыылаахтар Грамота, медаль, фирменнай футболка туттулар, оттон күрэх кыттыылаахтара тэрийээччилэртэн блокнот, ручка тутан үөрэн-көтөн таргастылар.

Хаамыска күрэҕи Математика уонна информатика институтун МЭПИ кафедрата тэрийэн ыытта (Кафедра сэбиэдиссэйэ-Матвеева Н. Н.)

Тэрийээччилэр бэйэбит деканаппытыгар, КИЦ-кэ куруук тэрээһиннэрбитин өйүүллэригэр, ИФКИС преподавателигэр Д. Гоголеваҕа хаамыскалары булан биэрбитигэр махталбытын тиэрдэбит.

Харах далыттан тахсыбат, өйбүтүн түргэнник үлэлэтэр, илиибит сымсатын хамсатар хаамыскабытыгар махтанабыт, өбүгэлэрбитигэр сүгүрүйэбит, чэчирии сайдарга дьулуһабыт.

МЭПИ кафедрата

15.02.2024