Ийэ тыл, сурук-бичик күнүнэн!

Саха норуота төрөөбүт төрүт сирбит баай хара тыатыныы бараммат баай тыла, эттэххэ бүппэт киэҥ фантазията, чүөмпэ уутунуу дириҥ философията, этэр санаатын сөҕүмэр киэлитэ – баар эбээт барыта биһиги олоҥхобутугар!

Аныгы киһи, оҕо-ыччат олоҥхо толоруутун истэн, ааҕан, кини ураты эйгэтигэр ылларан-ыпсан, тыл баайын дьэрэкээниттэн сомсон, кыл саҕа кылча тыына уһуур, кыараабыт көхсө кэҥиир, санаата бөҕөргүүр, тыыллан-хабыллан, бөҕө туруктаах-тутуллаах буолар кыаҕа үрдүүр.

Улуу Ойуунускай эппитинии, хайа да омук үүнэн-үрдээн тахсарыгар, дабайыытын маҥнайгы үктэлинэн кини төрүт үгэһэ, мындыр өйүн, Ийэ тылын түмпүт сүдү айымньыта – Олоҥхото.

ИЙЭ ТЫЛ, СУРУК-БИЧИК КҮНҮНЭН!